पूर्वी लोक शेतातून पक्षांना हाकलण्यासाठी माणसाचा पुतळा बनवून शेताच्या मधोमध उभा करायचे. मात्र, काही दिवस लोटल्यानंतरही त्याचा फारसा फायदा होत नव्हता. दरम्यान आता एका शेतकऱ्याने नवा देसी जुगाड तयार केला आहे. गावामध्ये राहत असलेल्या लोकांना हे माहीत आहे की, पक्षी, गायी, म्हैस यांसारख्या प्राण्यांपासून शेतकऱ्यांना पिकांच्या नुकसानीची अधिक समस्या असते. अशा स्थितीत मोठ्या शेतात दिवसभर उन्हात उभे राहणे शेतकऱ्यांना कठीण जाते. पक्ष्यांना शेतापासून दूर हाकलण्या साठी शेतकरी नवीन नवीन युक्त्या वापरत आहेत. सध्या असाच एक व्हिडिओ सोशल मिडियावर शेअर करण्यात आला होता.
पक्षी शेतातील पिकांची नासाडी करू नये यासाठी शेतकऱ्याने अनोखी युक्ती वापरली आहे आहे. शेतकऱ्याने तयार केलेले हे उपकरण शेतात सतत आवाज करत राहते ज्यामुळे पक्षी दूर राहतात. सोशल मीडियावर व्हायरल होत असलेल्या या व्हिडिओमध्ये शेताच्या मधोमध असलेल्या पक्षांना हाकलण्यासाठी पंख्याचा वापर केल्याचे पाहायला मिळत आहे. पंख्याच्या मोटारीला लोखंडी साखळी बांधलेली आहे आणि जेव्हा पंख सुरु होतो तेव्हा तेव्हा साखळी रिकाम्या स्टीलच्या डब्यावर जोरात आदळते ज्यामुळे जोरात आवाज होतो.
पक्ष्यांपासून पिकांना वाचवण्यासाठी शेतकऱ्यांने हा अनोखा मार्ग शोधला आहे. रिकाम्या डब्यातून येणारा मोठा आवाज ऐकून आसपास बसलेले पक्षी उडून जातात. फक्त एका छोट्याशा युक्तीने शेतकरी किंवा त्याच्या कुटुंबातील सदस्याला दिवसभर शेतात उभे राहण्याची गरज भासत नाही. जुगाड लाईफ हॅक्स नावाने हा व्हिडिओ इंस्टाग्रामवर शेअर करण्यात आला आहे. व्हिडिओच्या कॅप्शनमध्ये लिहिले आहे, ‘सोपा मार्ग…’ सोशल मीडियावर लोकांना हा व्हिडिओ खूप आवडला आहे.
View this post on Instagram
