अंजलीसोबत लग्न….गांगुलीसोबत मैत्री, पहा सचिन तेंडुलकरचे खास फोटोज…

जगातील महान खेळाडूंपैकी एक सचिन तेंडुलकरचा जन्म ४९ वर्षाचा झाला आहे. सचिनने वयाच्या अवघ्या १६ व्या वर्षी अंतरराष्ट्रीय क्रिकेट पाऊल ठेवले होते आणि २४ वर्षे क्रिकेटवर राज्य केल्यानंतर नोव्हेंबर २०१३ मध्ये अंतरराष्ट्रीय क्रिकेटमधून निवृत्ती घेतली. मास्टर ब्लास्टरचा जन्म २४ एप्रिल १९७३ रोजी मुंबईच्या रमेश आणि रजनी तेंडुलकरच्या घरी झाला होता. सचिनचे वडील रमेश तेंडुलकर एक मराठी कादंबरीकार आणि कवी होते. त्याची आई रजनी एका विमा कंपनीत काम करत असे.

सचिन तेंडुलकरचा भाऊ अजित तेंडूलकरने सचिनला क्रिकेट खेळण्यासाठी प्रेरित केले. नंतर सचिन तेंडुलकरने गुरु रमाकांत आचरेकरच्या सहवासात राहून क्रिकेटमधील बारकावे शिकून घेतले. १९८८ मध्ये २४ फेब्रुवारीच्या दिवशी सचिनने विनोद कांबळीसोबत हॅरिस शिल्डच्या सेमीफाइनलमध्ये तिसऱ्या विकेटसाठी नाबाद ६६४ धावांची भागीदारी केली होती. या भागीदारीदरम्यान सचिन ३२६ आणि कांबळी ३४९ धावांवर नाबाद राहिले होते.

सचिनने १५ नोव्हेंबर १९८९ रोजी पाकिस्तान विरुद्ध कराची टेस्ट सामन्यामध्ये टीम इंडियासाठी डेब्यू करण्यात यशस्वी झाला होता. त्या डेब्यूनंतर सचिनने कधीच मागे वळून पाहिले नाही आणि धावांचा डोंगर उभा केला. १९९५ मध्ये २४ मे रोजी सचिन तेंडुलकर आणि अंजली विवाह बंधनात अडकले होते. अंजली तेंडुलकर सचिनपेक्षा वयाने ६ वर्षे मोठी आहेंनी ती व्यवसायाने बालरोगतज्ञ आहे.

लंडनमधील मादाम तुसाद वॅक्स म्युझियममध्ये भारतरत्न सचिन तेंडुलकरचा पुतळाही बसवण्यात आला आहे. सचिन तेंडुलकरचा हा मेणाचा पुतळा हुबेहुब त्याच्यासारखा दिसतो. सचिनचा मुलगा अर्जुन तेंडुलकरचा जन्म २४ सप्टेंबर १९९९ रोजी मुंबईत झाला होता.

अर्जुन डाव्या हाताने गोलंदाजी आणि फलंदाजी करतो, जे त्याच्या वडिलांच्या एकदम विरुद्ध आहे. अर्जुन आयपीएल २०२२ मध्ये मुंबई इंडियन्सचा संघाचा भाग देखील राहिला आहे.

बॉलिवूड अभिनेता संजय दत्त हा भारतीय क्रिकेटचा मोठा चाहता आहे. संजय दत्तने एका मुलाखतीत खुलासा केला होता की तो सचिन तेंडुलकरचा खूप मोठा चाहता आहे. सचिन तेंडुलकर आणि सौरव गांगुली यांनी एकदिवसीय क्रिकेटमधील अनेक सामन्यांमध्ये भारतीय संघाला शानदार सुरुवात करून दिली. वीरेंद्र सेहवागची आंतरराष्ट्रीय क्रिकेटमध्ये एंट्री झाल्यानंतर गांगुलीने ओपनिंगऐवजी मधल्या फळीत खेळायला सुरुवात केली.

लिटल मास्टर सुनील गावस्कर यांनी १२५ कसोटी सामन्यांच्या शानदार कारकिर्दीत ३४ शतके झळकावली. त्याचा विक्रम सचिन तेंडुलकरने १० डिसेंबर २००५ रोजी श्रीलंकेविरुद्ध १०९ धावांची खेळी खेळून मोडीत काढला होता.

मोहम्मद अझरुद्दीनच्या एका निर्णयाने सचिनच्या एकदिवसीय कारकिर्दीची दिशा बदलली. १९९४ मध्ये अझरुद्दीनने सचिनला न्यूझीलंडविरुद्ध सलामीला पाठवले. यापूर्वी सचिन पाचव्या क्रमांकावर फलंदाजी करायचा.