देवाने या जगामध्ये स्त्री आणि पुरुषाशिवाय आणखीन एक जात बनवली आहे आणि ती आहे किन्नर. आपण या लोकांना अनेक समारंभ जसे लग्न किंवा जन्मदिवसावर पाहिले असेल. या लोकांना आपण खास करून मुलांच्या जन्मदिवशी पाहिले असेल. तसे तर अनेक लोक असे आहेत जे यांच्यापासून दूर राहणेच उचित समजतात. पण हे देखील सत्य आहे कि किन्नरांना धार्मिक ग्रंथांमध्ये खूपच सन्मानित केले गेले आहे.

महाभारत काळामध्ये देखील सांगितले गेले आहे कि अर्जुनला देखील कोणत्यातरी कारणामुळे किन्नरचे रूप धारण करावे लागले होते. लोकांचे असे मानणे आहे कि किन्नर कधी लग्न करत नाहीत पण असे नाही. किन्नर देखिल लग्न करतात. पण त्यांचे लग्न सामान्य लोकांप्रमाणे होत नाही. त्यांचे लग्न फक्त एका दिवसासाठी असते आणि दुसऱ्या दिवशी ते विधवा होतात.

किन्नर एका रात्रीसाठी विवाह करतात आणि त्यांचे देव अर्जुन आणि नाग कन्या उलूपीची संतान इरावन आहेत. इरावनला अरावन नावाने देखील ओळखले जाते. यांच्या विशेष लग्नाच्या दिवशी पुजारीच यांना मंगळसूत्र घालतात.

किन्नरांचा हा विवाह उत्सव तामिळनाडूमध्ये तमिळ नववर्षच्या पहिल्या पौर्णिमेला आरंभ होतो आणि त्यानंतर जवळ जवळ १८ दिवसांपर्यंत हा उत्सव सुरु राहतो. १७ दिवसांपर्यंत हे आपला देव इरावनसोबत लग्न करतात आणि नंतर १८ व्या दिवशी इरावनच्या प्रतिमेला पूर्ण शहरामध्ये फिरवले जाते आणि नंतर तोडले जाते.

यानंतर हे किन्नर देखील आपला पूर्ण शृंगार उतरवून विधवाप्रमाणे शोक व्यक्त करतात. यामागे देखील एक कथा आहे. वास्तविक महाभारतचे युद्ध सुरु होण्यापूर्वी पांडवांनी माता कालीची एक पूजा ठेवली होती ज्यामध्ये एका राजकुमारचे बलिदान दिले जाणार होते.

पण या बलिदानासाठी कोणताही राजकुमार तयार नव्हता. पण अर्जुन पुत्र इरावन यासाठी तयार झाला. पण त्यावेळी बलिदान देण्यासाठी एक अट होती कि राजकुमार विवाहित होणे आवश्यक होते, आणि इरावन अविवाहित होता.

आता अशा स्थितीमध्ये अशा राजकुमारसोबत कोण लग्न केले असते जो दुसऱ्या दिवशी मरणार आहे. या समस्येचे निराकरण करण्यासाठी श्रीकृष्णाने मोहिनी रूप धारण केले आणि इरावनसोबत लग्न केले. जेव्हा दुसऱ्या दिवशी इरावनचे बलिदान दिले गेले तेव्हा श्रीकृष्णाने विधवासारखा शोक व्यक्त केला. या घटनेची आठवण करून किन्नर एक दिवसासाठी विवाह करतात आणि दुसऱ्या दिवशी विधवा बनून शोक व्यक्त करतात.

Post a Comment

थोडे नवीन जरा जुने