बॉलीवूड अभिनेत्री कियारा आडवाणी हळू हळू बॉलीवूडमध्ये आपले स्थान पक्के करत आहे. ३१ जुलैला कियारा आडवाणी आपला वाढदिवस साजरा करते, अशामध्ये आज आम्ही तुम्हाला तिच्याबद्दल काही रंजक माहिती सांगणार आहोत. कियाराचा मोठ्या कुटुंबाशी संबंध आहे. तिचे वडील मोठे बिजनेसमन आहेत, तर तिची आई शिक्षिका आहे. खूपच कमी लोकांना माहिती आहे कि कियारा आडवाणीचे खरे नाव आलिया आडवाणी आहे. पण चित्रपटांमध्ये डेब्यू करण्याआधी तिने आपले नाव बदलले होते.

अनेक लोकांना वाटते कि कियाराने बॉलीवूडमध्ये एम एस धोनीः द अनटोल्ड स्टोरी या चित्रपटामधून डेब्यू केला होता. पण असे नाही कियाराने २०१४ मध्ये आलेल्या फगली या चित्रपटामधून बॉलीवूडमध्ये डेब्यू केला होता. कियाराने सांगितले कि तिच्या बॉलीवूडमध्ये डेब्यू करण्याअगोदर आलिया भट्टने डेब्यू केला होता.

तेव्हा पर्यंत आलिया बॉलीवूडमधील मोठे नाव बनले होते. अशामध्ये कियाराला सलमान खानने नाव बदलण्याचा सल्ला दिला होता. कियाराने सांगितले होते कि अनजाना अनजानी चित्रपटामध्ये प्रियांका चोप्राचे नाव कियारा होते, तेव्हा त्याला हे नाव खूपच पसंत आले होते.

कियाराने सोशल मिडिया अकाउंटवर आपले नाव कियारा आलिया आडवाणी असे ठेवले आहे. कियाराने आलियाला आपले मिडल नेम बनवले आहे. तिने आपले नाव बदलण्यावर म्हंटले होते कि मी नाव ज्योतिषशास्त्रामुळे बदलले नाही. तर तिला आपल्या मेहनतीच्या जोरावर आपले नाव बनवायचे आहे.

तसे तर कियाराच्या कुटुंबाचे फिल्मी कुटुंबांशी चांगले संबंध आहेत. प्रसिद्ध मॉडेल राहिलेली शाहीन जाफरी कियाराची मावशी लागते. शाहीन बॉलीवूड अभिनेता अशोक कुमारची नात आहे. याशिवाय कियारा अभिनेत्री जुही चावलाची भाची आहे.

कियाराने २०१४ मध्ये फगली चित्रपटामधून बॉलीवूडमध्ये डेब्यू केला होता. यानंतर २०१६ मध्ये ती एमएस धोनी: दी अनटोल्ड स्टोरी चित्रपटामध्ये पाहायला मिळाली होती. या चित्रपटामध्ये तिने साक्षीची भूमिका साकारली होती. यानंतर तिने काही साउथ इंडियन चित्रपटांमध्ये आणि बॉलीवूड चित्रपटांमध्ये काम केले. गिल्टीमध्ये ती शेवटची पाहायला मिळाली होती.

तिच्या वर्कफ्रंटबद्दल बोलायचे झाले तर ती लवकरच अक्षय कुमारच्या लक्ष्मी बॉम्ब चित्रपटामध्ये पाहायला मिळणार आहे. याचबरोबर ती शेरशाह, इंदू की जवानी आणि भूल भुलैया २ चित्रपटांमध्ये कम करताना दिसणार आहे.

Post a Comment

थोडे नवीन जरा जुने